📍點鍋 (旺角)
旺角西洋菜街1號兆萬中心3樓301舖
=====================================
近排天氣開始轉涼，又係最適合打邊爐既時候🍲🤩😍🤪最近去左間2小時任食火鍋，價錢ok之餘，質素都好ok。
成人:$288 小童:$188
(星期一至四有7折；星期五至日有8折)
.
餐廳裝修簡約，光猛企理，座位寬敞，最正係全程用padpad落單，夠哂方便👍🏻同埋佢好貼心有得揀一份/半份，二件/四件等，就算二個人去食都可以食好多野😎
.
湯底款式都好多，我地揀左蟲草花雞🐥有勁多蟲草花，正呀❤️仲有紅棗等，夠哂滋補！✨雞肉食落都幾滑。其實佢仲有秋冬系列湯底，例如椰子桃膠竹絲雞、川貝海底椰鱷魚肉，但呢啲就要另加錢，有興趣既都可以試下🤪
.
而家兩人入座仲送頂級牛肩肉同海鮮拼盤🤤🤤有蝦、蜆、魚同蚌，整體都好新鮮！
.
食物方面，款式都好豐富，肉類、丸類、海鮮類、仲有自家制餃類同油炸類等🤩🤩
💭必吃炸午餐肉，真係堅正！厚切仲要炸過，最尾忍唔住叫多碟一個人食哂，超滿足🥳
💭金沙鹹蛋炸魚皮，好香既鹹蛋黃，勁惹味！🙂
💭即炸手工紫菜嚮玲卷，第一次打邊爐食嚮玲會有紫菜係入面🤣仲要即炸，夠哂新鮮😋
.
🐷肉方面牛豬雞羊樣樣都有，但有啲高級啲既肉就要加錢先有。
🎡我地點左個蔬菜摩天輪，睇得玩得又食得，菜又夠新鮮！
🦆另外包仔頭腐同台灣鴨血都超滑🤩
.
🥤飲品除左有汽水檸檬茶等，仲有支裝道地解茶😍
🍦甜品有雪米糍🤤🤤🤤有士多啤梨雲呢嗱、綠茶紅豆同朱古力味，好正呀！
Search